قصيدة اندب الكرار إمامي حيدره

اندب الكرار إمامي حيدره
شوف حالي شصار وبكلبي شجره
يا نبينه اللي يشفع النه في يوم الزحام
شوف حالي شصار وبكلبي شجره
ذكر أهل البيت ما ناح الحمام
يا رسول الله الي بحالي دره
وين داحي الباب حيدر يا حبيب
زادت جروحي واثاري أنت الطبيب
والشهك باسمك حيدر ما يخيب
والدمع حالي على خدودي جره
الزم الشباك وبابك لصيح
مريد أبو الحسنين أبداً ما يطيح
ها يبو الشارة وبو وجه الفليح
راية الميمون رايه مصدره
وين أبو حزامين يالحمزة الذخر
راح مني الحيل واسقمني العمر
تدفع الشدة يابو قباب الخضر
يا نسيم الهاب  عني خبره
لندبك يا حسين يا بو سكينة
يا بطل الإسلام يا والينه
يا شهيد بكربلاء رد لينه
نور المجلس حضورك نوره
وين أبو فاضل يابو قباب الذهب
يبو راس الحار ماكو كل عتب
تحضر المحسوب وتطفي اللهب
شعلة النيران هاي موجده
وين شيخ جبالنه عبد الكريم
ها يبو الشاره وبو وجه الفليح
نطلب من الله من ربنا الرحيم
يجمع الاحباب يوم الاخرة
رايد البرهان صارت لمه
وين أبو نهرو يا عالي الهمة
تدرك الدرويش سايل لدمه
وبحضور الناس سيفه محضره
اندبك يا باز يابو فزاعي
يا علم كيلان يابو سباعي
وين أبو العلمين يا رفاعي
تورط المحسوب في الخطة تره
صيح مرة لا تقول الثاني
غوثنا الخاطف ياتي الولياني
يا شيخ الجبل والودياني
ياخذ التكيات شيخي بسره
عا العهد يا شيخ صاح الهادي
بليل يا استاذي اريد مدادي
شيخنا من بعيد كام ينادي
لا تظن تغيب عن عيني تره